දුවණියකගෙ කඳුළු. . . . . .

සුදු මල් මිටක්
දෝතින් දරා...
බලා හිඳින්නෙමි
ඔබ එන තුරා...

පුංචි සන්දියේම සමුගත්
දයාබර පියාණනි...
එනු මැනවි මොහොතක්
හීනෙන් හෝ ලඟට
සුදු දූ කියා අමතන්නට.....
පිය උණුසුම විඳින්නට....
සත්තකයි මතක නෑ මට
ඔබෙ උණුසුම - ඔබේ සුවඳ

ලොවම දිනන්නෙමි
ඔබෙ නම රන්දමි
ඔබ දුන් ජවයෙන් ....
ඔබ දුන් එඩියෙන්....
නමුත් අවැසිය
ඔබ බැල්ම
පෙරට වඩා අද....
එනිසයි පෙර මග බලන්නේ
ඔබේ මද්දුම දෝණී...



සංකල්පනාව
- කැලුම් නිරංජන