තාත්තාගේ කවිය...

නැටුමට නුහුරු මුත් අත් පා සවිය ඇතී

ගැයුමට නුහුරු මුත් කට හඬ එඩිය ඇති

වැයුමට නුහුරු මුත් ජීවන ස්වරය ඇතී

නොවෙතත් සුපිරි තරුවක් නුඹ අගේ ඇතී.. . . . .

පණීභාරත නොවේ නුඹ මයිකල් ජැක්සන්.

මිල්ටනුත් නොවේ නුඹ මිහිරංග සෙහාන්

ගාමිණී වගේ නොවේ නුඹ අමිතාබ් බච්චන්

නුඹ නුඹ වගේ පුතුනේ නුඹ නුඹම වෙයන්.............

මතකද එදා දුර දිග බැලු දීඝායූ

මාතුපෝසකයි මව කර පිට පීනූ

දම්පල් තුමා වගේ රට දැය ගැන සිතුනූ

වෙයන් පුතුනි එයමයි නුඹෙ උරුමෙ දිනූ………

-පුතා

කැලුම් නිරංජන

දුවණියකගෙ කඳුළු. . . . . .

සුදු මල් මිටක්
දෝතින් දරා...
බලා හිඳින්නෙමි
ඔබ එන තුරා...

පුංචි සන්දියේම සමුගත්
දයාබර පියාණනි...
එනු මැනවි මොහොතක්
හීනෙන් හෝ ලඟට
සුදු දූ කියා අමතන්නට.....
පිය උණුසුම විඳින්නට....
සත්තකයි මතක නෑ මට
ඔබෙ උණුසුම - ඔබේ සුවඳ

ලොවම දිනන්නෙමි
ඔබෙ නම රන්දමි
ඔබ දුන් ජවයෙන් ....
ඔබ දුන් එඩියෙන්....
නමුත් අවැසිය
ඔබ බැල්ම
පෙරට වඩා අද....
එනිසයි පෙර මග බලන්නේ
ඔබේ මද්දුම දෝණී...



සංකල්පනාව
- කැලුම් නිරංජන

මිත්‍රත්වය. . .

විශ්වාසය නම්
හුය දිගේ
අඹරට නැගි
මිත්‍රත්වය නම්
සරුංගලය
හසුවන්නටත් පෙර
උඩු හුළඟට
නූල කපා දැමූ කල

????

- - කැලුම් නිරංජන

රැජිණ වෙයන් අලුත් ලොවේ. . . . . . .

රැජිණ වෙයන් අලුත් ලොවේ.- මිතුරියකට ලියූ සංකල්පනාවක්

ජය ශ්‍රී මිතුරනි. . .

ජය ශ්‍රී මිතුරනි. . .රැකියාවට පැමිණ වසර තුනක් පිරීම නිමිත්තෙන්

කිරිල්ලියේ රෑන අතැර ඉගිලීයන්............

කිරිල්ලියේ රෑන අතැර ඉගිලීයන්............